Hei,
Eg har ein 2004 Ford Mondeo 2.0 TDCI 115hk med 5tronic automatgear som ikkje startar. Dvs, når eg vrir om tenningsnøkkelen, vil ikkje motoren "kranke" i det heile. Lys i instrumentpanel osv kjem på som det skal, men når eg vrir nøkkelen heilt om og skal kjøre startmotoren, skjer det ingenting. Glødelampa lyser, men koblar ikkje ut etter nokre sekund slik den pleier.
Rett før denne feilen inntraff fekk eg motorstopp. Glødelampa blinka, og motorlampa lyste. Bilen lot seg starte igjen, men gjekk noko "ruskete". Etter nokre få hundre meter stoppa den igjen, også denne gongen begynte glødelampa og blynke og motorlampa lyste nokre sekund før stans. Eg kunne kjøre startaren, men motoren starta ikkje. Etter eit par startforsøk landa eg der eg er i dag; ingen antydning til liv frå startaren i det heile når eg vrir nøkkelen heilt om. Batterispenning utan last er målt til 12,5V. Gammalt batteri, men ein skulle tru det var nok til å starte bilen.
Er det nokon som har tips til kor eg bør starte feilsøk?